درپیش ہے زمانے کو سیرت حسین کی
تدریس کر رہی ہے رسالت، حسین کی
قرطاس کہہ رہا ہے قلم سے، کہ باز آ..!
لکھی نہ جا سکے گی فضیلت حسین کی
کربل میں دب کے رہ گئی ساری یزیدیت
کل بھی تھی آج بھی ہے حکومت حسین کی
دور جہاں کے سارے یزیدی سنیں سنیں
باقی رہیگی، باقی ہے، عزت حسین کی
محبوب کردگار کے محبوب ہیں حسین
اس سے پتا لگا لے فضیلت حسین کی
سجدے میں سر ہے اور زباں پر خدا کا نام
کتنی حسیں ہوئی ہے شہادت حسین کی
بیشک وہ باغ خلد کا حقدار ہو گیا
جس دل میں بس گئی ہو محبت حسین کی
دین خدا کی راہ میں ایسے ہوے نثار
ماہ و نجوم کرتے ہیں مدحت حسین کی
اب تک صدائےحق جو مناروں سے آتی ہے
صدقہ ہے پنجتن کا، ہے خدمت حسین کی
سبط نبی کے صدقے یہ اعزاز دے خدا
شمشاد کی زباں پہ ہو مدحت حسین کی
حافظ و قاری شمشاد احمد مصباح خیرآبادی
نمبر 8176099829
0 تبصرے