مدینے جانے کا دل میں ارادہ کر لیا ہم نے

 

مدینے جانے کا دل میں ارادہ کر لیا ہم نے 

مدینے جانے کا دل میں ارادہ کر لیا ہم نے 

لیجئے حضرات آپ کی بارگاہ ناز میں ایک خوبصورت مصرع طرح پیش کیا گیا ہے آئیں جم کر طبع آزمائی فرمائیں

 مصرع طرح 

مدینے جانے کا دل میں ارادہ کر لیا ہم نے 

قافیہ ارادہ اچھا پیارا آقا دریا روضہ کعبہ مکہ مدینہ پختہ پکا سستا مہنگا اعلی عمدہ وغیرہ وغیرہ کثیرالقواقی

 ردیف 

کرلیا ہم ہم نے 

مفاعیلن مفاعیلن مفاعیلن مفاعیلن 

7-8-2023

بزم حضور آفتاب ملت میں کہاگیا مکمل کلام

کلام استاذ الشعرا والعلماء تاج القلم حضرت علامہ مولانا محمد انظار الحسن خاں رضوی صاحب قبلہ دامت برکاتہم العالیہ 

در سرکار کا جب سے نظارہ کرلیا ہم نے

درخشندہ مقدر کا ستارا کرلیا ہم نے

نبی کے نام کا جب سے وظیفہ کرلیا ہم نے

غموں کے دور کرنے کا مداوا کرلیا ہم نے

ہے راہوں میں ہماری مفلسی حائل مگر پھر بھی

،،مدینے جانے کا دل میں ارادہ کرلیا ہم نے ،،

خدا سے لے کے جان و مال کے بدلے میں اب جنت

بہت مہنگا تھا جو سودا وہ سستا کر لیا ہم نے

نہیں روکے گا کوئی اب ہمیں جنت میں جانے سے

خدا کے فضل سے کچھ کام ایسا کر لیا ہم نے

علی الاعلان کہدیں دشمنان شاہ بطحا سے

سبھوں سے ختم اپنا سارا رشتہ کرلیا ہم نے

بریلی سے مدینہ ہوکے جو جنت کو جاتا ہے

وہی انظار اپنا خاص رستہ کر لیا ہم نے

کاوش۔

محمد انظار الحسن خاں رضوی

بلوا،رونی سیدپور ،سیتامڑھی۔