کوئی سنے گا تو کیا کہے گا صاحب کلام حضرت مولانا حافظ وقاری غلام احمد رضا قادری نیپالی صاحب قبلہ مدظلہ العالی والنورانی

 

     کوئی سنےگاتوکیاکہے گا 

والنورانی

 

    کوئی سنے گا تو کیا  

کہے گا 

 

 

صاحب کلام حضرت مولانا حافظ وقاری غلام احمد رضا قادری نیپالی 

صاحب قبلہ مدظلہ العالی والنورانی

 

 

ہے  خانقاہوں  میں   بے   حیائی، کوئی سنے گا تو کیا کہے گا

ہے  علم  والوں  میں  بھی لڑائی، کوئی سنے گا تو کیا کہے گا

نہیں  خطیبوں  کا علمی خطبہ، نہیں ہے شاعر کا شعری رتبہ

نہیں  ہے   پیروں  میں  پارسائی، کوئی سنے گا تو کیا کہے گا

ہے امتِ  خیر  نام  اپنا، ہمیں  ہیں  پچھلوں  کے  دل  کا سپنا

ہے  پھر بھی ہم میں بھری برائی، کوئی سنے گا تو کیا کہے گا

وہ قوم جس کی تھی بادشاہی،جہان بھر میں تھی واہ واہی

اسی کی  ہوتی  ہے   جگ ہنسائی،کوئی سنے گا تو کیا کہے گا

علومِ قرآں  کو  ترک  کر کے، ہمیں نے بچوں کو جی کے مر کے

پڑھائی    انگریز    کی    پڑھائی، کوئی سنے گا تو کیا کہے گا

سنا   رہا    ہے    جو   جھوٹ   آکر، کرامتیں   خود  بنا  بنا کر

اسی کے پیچھے  ہے  اب  خدائی، کوئی سنے گا تو کیا کہے گا

زباں پہ رکھتےہیں جوصداقت،ہےجن میں حقانیت کی جرأت

اُنہیں  پہ   ہوتی  ہے  لب  کشائی،کوئی سنے گا تو کیا کہے گا

نہیں پڑھانےکوجن کو پیسہ،اُنہیں بھی دیکھوسجا کے جلسہ

لٹائے    پھرتے   ہیں   پائی   پائی،کوئی سنے گا تو کیا کہے گا

خدا کی مسجد سے دور ہوکر،نبی کی سنت سے ہاتھ دھو کر

ہے   پیر   سے    خلد   کی  دہائی،کوئی سنے گا تو کیا کہے گا

زمانہ  احمد   بدل   چکا  ہے ، حیا   سے   باہر   نکل  چکا ہے

پھرایسےمیں کیوں ہو فکر بھائی،کوئی سنےگا تو کیا کہے گا 

 

غلام احمد رضا نیپالی

https://www.jamiaummesalma.com/2023/05/blog-post_28.html