کلام اعلیحضرت امام احمد رضا خان بریلوی نعمتیں بانٹتا جس سمت وہ ذیشان گیا

 

کلام اعلیحضرت امام احمد رضا خان بریلوی

پیش کردہ محمد صارف رضا متعلم جامعہ گلشن مدینہ سرتاج العلوم و ام سلمہ جونٸرہاٸی اسکول دریاآاباد 

صاحب اعلم حضور سید آفتاب عالم گوہر قادری واحدی کے مدارس میں بچوں اور بچیوں کے داخلے کے لئے رابطہ کریں موبائل نمبر 8009968910.8009059597 

 نعمتیں بانٹتا جس سمت وہ ذیشان گیا

کلام اعلیحضرت امام احمد رضا خان بریلوی 

نعمتیں بانٹتا جس سمت وہ ذیشان گیا 

نعمتیں بانٹتا جس سمت وہ ذیشان گیا

ساتھ ہی منشیء رحمت کا قلمدان گیا

لے خبر جلد کہ اوروں کی طرف دھیان گیا

میرے مولیٰ مِرے آقا ترے قربان گیا

آہ وہ آنکھ کہ ناکامِ تمنّا ہی رہی

ہائے وہ دل جو تِرے در سے پُر ارمان گیا

دل ہے وہ دل جو تِری یاد سے معمور رہا

سر ہے وہ سر جو ترے قدموں پہ قربان گیا

اُنہیں جانا، اُنہیں مانا نہ رکھا غیر سے کام

للہِ الحمد میں دنیا سے مسلمان گیا

اور تم پر مِرے آقا کی عنایت نہ سہی

نجدیو! کلمہ پڑھانے کا بھی احسان گیا

آج لے اُن کی پناہ ، آج مدد مانگ ان سے

پھر نہ مانیں گے قیامت میں اگر مان گیا

اُف رے منکر یہ بڑھا جوشِ تعصب آخر

بِھیڑ میں ہاتھ سے کم بخت کے ایمان گیا

جان و دل ہوش و خرد سب تو مدینے پہنچے

تم نہیں چلتے رضا ، سارا تو سامان گیا

الشاہ امام احمد رضا خان فاضلِ بریلوی علیہ الرحمہ

 https://www.jamiaummesalma.com/p/blog-page_61.html