آن لائن بزم گلزار ملت میں
یکجا کاوش۔۔۔۔
۔۔۔۔۔۔ مصرع طرح ۔۔۔۔۔۔۔
بیتاب دیکھنے کو ہے جلوہ حضور کا
،،،،
تشریح کر رہا ہے یہ کلمہ حضور کا
بعدِ خدا ہے مرتبہ اعلی حضور کا
بٹتا ہے اور ۔ بٹتا رہے گا جہان میں
ہوگا کبھی نہ ختم خزانہ حضور کا
دیکھے تو کوئی آکے محبت کی شکل میں
رکھا ہے میرے دل میں نگینہ حضور کا
خوشبو کبھی نہ آتی گلستان دہر سے
ملتا اگر نہ ۔۔ گل کو پسینہ حضور کا
انساں پڑھے جو نعت تعجب کی بات کیا
کنکر نے بھی سنایا ہے کلمہ حضور کا
اِس کو بھی اِذنِ دید عطا کیجے یانبی
،، بیتاب دیکھنے کو ہے جلوہ حضور کا ،،
دل کی یہ آرزو ہے کہ مولا نویدؔ بھی
مرنے سے پہلے دیکھ لے روضہ حضور کا
،،،، تراوش قلم ،،،،
محمد انوارالحق نویدؔ قادری سعادت نگر سیتاپور یو پی
ا لہند
0 تبصرے