مناجات
مانگتا ہوں میں یہی تجھ سے دعا اے مالک !
میرے احباب کو ہر غم سے بچا اے مالک !
میرے ماں باپ ، بہن بھائی ، میں بیمار ہیں جو
ان کو امراض سے تو دے دے شفا اے مالک !
شاہ بطحا کے وسیلے سے جو تجھ سے مانگوں
تو مجھے دینا طلب سے بھی سوا اے مالک !
اپنے بندوں کی تو فریاد سنا کرتا ہے
تری مجھ پر ہو سدا لطف و عطا اے مالک !
میں گنہگار ہوں لیکن ہوں غلام احمد
بخش دے میرے سبھی جرم و خطا اے مالک!
تو ہے معبود ، عبادت ہے فقط تیرے لیے
میں سدا کرتا رہوں ذکر ترا اے مالک !
اپنے محبوب کا شیدائی بنا تو مجھ کو
راستہ حق کا جو ہے اس پہ چلا اے مالک !
جو بھی مانگی ہے نظامی نے دعائیں روکر
ان میں حاصل ہو اسے تیری رضا اے مالک !
ازقلم ۔۔ محمد امیر حمزہ نظامی رانچوی حھارکھنڈ
0 تبصرے