شاعر نیپال ‏مولاناغلام ‏احمد ‏رضا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کربلا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خون    سے    تحریر    ہے    ہر   داستانِ   کربلا

روح    فرسا    جاں  گسل   ہے  ہر   بیانِ   کربلا

صبر  و  استقلال کا دامن  نہیں  چھوڑے کبھی

راسخ    الوعدہ     ہیں    کتنے    کاروانِ   کربلا

آنہیں سکتی کبھی بھی رنگ ونکہت میں خزاں

حشر    تک     تازہ     رہے    گا   گلستانِ   کربلا

اللہ  اللہ  حضرتِ    اصغر   کی  وہ جاں  بازیاں

دیکھ   کر    حیران   ہیں  سب   منکرانِ  کربلا

باغیانِ     اہلِ      کربل    لعنتی     ہیں    لعنتی

مرتبے    میں    آسماں    ہیں    عاشقانِ    کربلا

لا    تقولو    آیہ ِٔ    قرآن    کے    مصداق    ہیں 

اس   لیے    زندہ    ہیں    سارے   رہبرانِ  کربلا

لگ  رہا  ہے   آگیا   ہے   دس   محرم  اب  قریب

ورنہ    پھر   کیوں   رو   رہا  ہے   آسمانِ  کربلا

شانِ   قرآں   شانِ   ایماں   شانِ  آذان   و   نماز

ارمغانِ     دینِ     حق       ہیں     اہلیانِ   کربلا

ایک   اک   صفحہ    کتابِ    کربلا   کا   دیکھیے

کس    قدر    ہیں   خون    آلودہ   جوانِ   کربلا

چاند  کے  مانند    ہیں    روشن  وہ  زیرِ  آسماں

جو کوئی بھی  دہر  میں ہیں مدح خوانِ  کربلا

اس کی عظمت کی بلندی پرہےنازاں عرش بھی

کس  طرح  احمد   بیاں   ہو  عز  و  شانِ  کربلا

غلام احمد رضا نیپالی