🌹🌹 *بزمِ حسان* 🌹🌹
تبریک سوغات بہ بارگاہِ خلیفہ دوم سیدنا *عُمر فاروقِ اعظم* رضی المولی عنہ👇👇👇
لبِ اخلاص ، رُخسارِ وفا فاروق اعظم ہیں
لباسِ عشق چاہت کی قبا فاروق اعظم ہیں
ملُوکیّت ،حُکومت، سلطنت سے کیا اُنہیں لینا
گدائے شاہ جب باضابطہ فاروق اعظم ہیں
جسارت ہمت و جُرأت کی ہوتی ہےجہاں تعلیم
تمہیں معلوم ہے؟ وہ جامعہ فاروق اعظم ہیں
تلاشِ حق اگر ہے لَو لگا جلدی ذرا اُن سے
ارے نادان حق کا محکمہ فاروقِ اعظم ہیں
تَصَوُّف کاچمن جن کےتبسُّم سے ہےخوشبودار
وہ مردِ نیک ، مردِ پارسا فاروقِ اعظم ہیں
فقط اک نان سے مُسکان آجاتی ہے چہرے پر
قناعت کے تَقَدُّس کا پتہ فاروق اعظم ہیں
مبارک جانتے ہو ؟ بہرِ مدفن یار کے نزدیک
اجازت جن کو بخشیں عائشہ فاروق اعظم ہیں
(سگِ مجاھد ملت)
*مبارک اڑیسوی*
){kind=link}
0 تبصرے