قاری امیر حمزہ نظامی رانچوی

🌹کشتِ سخن میں کہا گیا مکمل کلام🌹

*ہر عاشق سرکار کی ،  قسمت  سے  ملاقات*

*ہوتی ہے سدا رب  کی  عنایت  سے   ملاقات*

*الفت  ہے بسی  دل  میں  شہِ ارض وسما کی*

*ہم صبح و مسا کرتے ہیں مدحت سے ملاقات*

*ہم  جائیں گے جنت  میں شہِ دیں کے کرم سے*

*"جب ہوگی سرِ  حشر شفاعت  سے ملاقات"*

*اب کوئی بھی تمثیل نہ لا پائے گا اس کی*

*شبیر نے  کی  جیسی  شہادت سے ملاقات*

*تکلیفیں  جو   ماں  باپ  کو  دیتے  ہیں  ہمیشہ*

*کیوں ہوگی نہ پھر ان کی مصیبت  سے ملاقات*

*آفات  سے  محفوظ  وہ  رہتے ہیں شب و روز*

*کرتے ہیں جو ماں باپ کی خدمت سے ملاقات*

*پڑھتے ہیں  درود ان  پہ جو ہر لمحہ نظامی*

*کرتے  ہیں وہ سرکار کی رحمت سے ملاقات*

🌹ازقلم ــ محمد امیر حمزہ نظامی رانچوی🌹